Մարթա Կոսը՝ «Թրամփի երթուղու» նախագծին ԵՄ հնարավոր մասնակցության մասին

ԵՄ ընդլայնման հարցերով գերագույն հանձնակատար Մարթա Կոսը անդրադարձել  է՝ «Թրամփի երթուղու» (TRIPP) նախագծին ԵՄ մասնակցության հարցի հնարավորությանը։
 
Ինչպես հաղորդում է Caliber.Az-ը՝ հղում անելով հայկական ԶԼՄ-ներին, այս մասին հայտարարարել է Մարթա Կոսը՝ պատասխանելով այն հարցին, թե արդյոք ԵՄ-ն քննարկում է՝ «Թրամփի երթուղու» նախագծին մասնակցելու հնարավորությունը։
 
Նա ընդգծել է, որ Եվրամիությունը նույնպես բանակցություններ է վարում Միացյալ Նահանգների հետ այս հարցի շուրջ՝ հաշվի առնելով ընդհանուր փոխկապակցվածության ավելի լայն պատկերը։
 
«Մենք խոսում ենք Կենտրոնական Ասիայից Եվրոպա տանող ճանապարհի մասին։ Այն ընդամենը 42 կիլոմետր երկարություն ունի։ Մեզ համար կարևոր է, որ մեր արած ամեն ինչ վերաբերի ոչ միայն այս 42 կիլոմետրանոց հատվածին, այլև արևելք և արևմուտք տանող ամեն ինչին, և որ այդ ամենը տեղի ունենա միաժամանակ», - ասել է ԵՄ գերագույն հանձնակատարը։
 
«Մենք ունենք մեր սեփական գաղափարները։ Մենք քննարկում ենք այս հարցերը Թուրքիայի և Ադրբեջանի հետ։ Հետևաբար, մեզ համար իմաստ չունի սա անել մաս-մաս։ Սակայն այս առումով Ամերիկայի Միացյալ Նահանգների համագործակցությունը կամ մասնակցությունը նույնպես շատ ավելի կարևոր է, քան պարզապես 42 կիլոմետր երկաթուղու կառուցումը», - ընդգծել է Մարթա Կոսը։