Ռուսաստանցի դիվանագետ Աղասանդյան. Հայաստանի գործողությունները չեն հակասում ԵԱՏՄ-ի նկատմամբ պարտավորություններին

Երևանի ներկայիս գործողությունները չեն հակասում Եվրասիական տնտեսական միության (ԵԱՏՄ) նկատմամբ ստանձնած պարտավորություններին։
 
ՏԱՍՍ-ին ասել է Ռուսաստանի ԱԳՆ ԱՊՀ երկրների առաջին դեպարտամենտի տնօրեն Միքայել Աղասանդյանը։
 
Նա նշել է, որ առաժմ Եվրամիությանը միանալու մտադրության մասին Հայաստանի հայտարարությունները ընդամենը «քաղաքական դեկլարացիա» են։
 
«Միևնույն ժամանակ, բազմիցս ընդգծվել է, այդ թվում՝ [Ռուսաստանի փոխվարչապետ Ալեքսեյ Լոգվինովիչ Օվերչուկի] կողմից, որ երկու միությունների միաժամանակ անդամ լինելը անհնար է դրանց բնույթից ելնելով», - նշել է Աղասանդյանը։ «Հայաստանի ներկայիս գործողությունները չեն հակասում ԵԱՏՄ-ի նկատմամբ ստանձնած պարտավորություններին։ Մենք կշարունակենք գնահատել գործնական քայլերը։ Ոչ ոք չի արգելում Հայաստանին համագործակցել այլ երկրների հետ. ԵԱՏՄ բոլոր անդամներն են դա անում։ Գլխավորն այն է, որ նման համագործակցությունը չհակասի Միության շրջանակներում ստանձնած պարտավորություններին։ Առայժ դա չկա»։