Ռուսաստանցի փորձագետը՝ COP29-ին մասնակցելուց Հայաստանի հրաժարվելու մասին

Բաքվում ՄԱԿ-ի կլիմայական СОР29 միջազգային գագաթնաժողովին մասնակցելուց հայկական կողմի հրաժարվելը քաղաքական դեմարշ է, այս որոշման հետևում բացարձակապես այլ բան չկա
 
Այս մասին Baku TV-ին հայտարարել է՝ Ռազմավարական հետազոտությունների կասպյան ինստիտուտի (ՌԴ) գլխավոր տնօրեն Իգոր Կորոտչենկոն՝ մեկնաբանելով COP29-ին մասնակցելուց Հայաստանի հրաժարվելը։
 
Փորձագետը նշել է, որ այն ժամանակ, երբ հարյուրավոր առաջատար համաշխարհային առաջնորդներ և մեծ ներկայացուցչական պատվիրակություններ ժամանել են Ադրբեջան՝ բանակցություններ վարելու և մարդկային կարևորագույն գլոբալ խնդիրները քննարկելու համար, Երևանում որոշել են անտեսել այս ֆորումը։
 
«Հայաստանը կարող է COP29-ի շրջանակում նախ և առաջ մի շարք երկկողմ հանդիպումներ անցկացնել և ակտիվացնել երկկողմ հարաբերությունները Ադրբեջանի հետ՝ խաղաղության պայմանագրի բանակցությունների ճանապարհին և ընդհանրապես մասնակցել կլիմայական գլոբալ խնդիրների քննարկմանը, որոնք  վերաբերում են Հայաստանին այնպես, ինչպես բոլոր մյուս երկրներին։
 
Փաշինյանի կատարած ընտրությունն ակնհայտորեն իր անձնական քաղաքական որոշումն է: Այն ուղղված է հայկական շահերի դեմ և ցույց է տալիս Հայաստանի ժամանակակից քաղաքական էլիտայի սակավամտությունն ու ինֆանտիլիզմը»,- հավելել է Ի.Կորոտչենկոն։