Թուրքական պատվիրակությունը ծանոթացել է Ադրբեջանի բանակաշինությանը

Շարունակվում է թուրքական պատվիրակության այցը Ադրբեջան, որը բաղկացած է Թուրքիայի Ազգային պաշտպանության համալսարանի, Ռազմաօդային ուժերի և Ռազմածովային ուժերի ինստիտուտների ղեկավարությունից, «Շտաբի կառավարման դասընթացի» դասախոսներից և ուսանողներից։
 
Այս մասին Caliber.Az-ին հայտնել են Ադրբեջանի Պաշտպանության նախարարությունից։
 
Այցի ծրագրի համաձայն՝ հյուրերը այցելել են Ադրբեջանի ռազմաօդային ուժերի N-րդ զորամաս:
 
Թուրք ներկայացուցիչներին ներկայացվել է ճեպազրույց՝ զորամասի կազմավորման պատմության, կառուցվածքի և 44-օրյա Հայրենական պատերազմում նրա գործունեության մասին, որն ավարտվել է ադրբեջանական բանակի հաղթանակով։

Այնուհետև հյուրերին ցուցադրվել են զորամասում սպառազինության մեջ գտնվող թռիչքային  տեխնիկայի և ավիացիոն միջոցների որոշ օրինակներ, ինչպես նաև մանրամասն տեղեկություններ են տրամադրվել դրանց մարտավարական և տեխնիկական բնութագրերի մասին։
 
Թուրքական պատվիրակությունը այցելել է նաև զորամասի ուսումնա-մարզական կենտրոն։ Այստեղ թուրք ուսանողներին ՀՕՊ համակարգի ուսումնական համալիրում ապահովվել են պրակտիկ   հրաձգութուն կատարելու պայմաններ։