ՊՆ-ն դիմել է պայմանագրային զինվորական ծառայություն անցնել ցանկացողներին

Ադրբեջանի պաշտպանության նախարարությունը հայտարարել է Առանձին համազորային բանակում պայմանագրային զինվորական ծառայություն անցնել ցանկացող քաղաքացիների ընդունելություն:

Caliber.Az-ի փոխանցմամբ՝ փաստաթղթերը կընդունվեն մինչև փետրվարի 15-ը Առանձին համազորային բանակի ուսումնավարժական կենտրոնում (Նախչըվան, թիվ 1 զինվորական ավան)։

Պայմանագրային զինվորական ծառայության դասընթացին կարող են մասնակցել 35 տարեկանից փոքր զինապարտները (բացառությամբ սպաների, ենթասպաների և միչմանների), ովքեր ունեն առնվազն միջնակարգ ընդհանուր կրթություն և ավարտել են զինվորական ծառայությունը, ինչպես նաև մինչև 30 տարեկան կանայք և մինչև 40 տարեկան պահեստազորայինները, ովքեր անցել են պայմանագրային զինվորական ծառայություն և ցանկանում են փոխել կամ բարձրացնել իրենց որակավորումը։