Զելենսկի. Ուկրաինան պլանավորում է ադրբեջանական գազ գնել

Ուկրաինայի կառավարությունը պատրաստվում է այս ձմռանը գազամատակարարման հնարավոր դժվարություններին և արդեն որոշել է մինչև 2 միլիարդ դոլարի վառելիքի գնման աղբյուրները: Սուսպիլնե-ի փոխանցմամբ՝ այս մասին լրագրողների հետ հանդիպմանը հայտարարել է նախագահ Վոլոդիմիր Զելենսկին:
 
Հիմնական գործընկերների թվում է Ադրբեջանը, որի հետ բանակցություններ են ընթանում բնական գազի մատակարարման վերաբերյալ: Քննարկվում է նաև լեհական տերմինալի միջոցով հեղուկացված բնական գազի գնումը,  բանակցություններ են ընթանում Հունաստանի և Միացյալ Նահանգների հետ:
 
«Կա նաև փոխըմբռնում այլ երկրների հետ, կան համաձայնություններ: Բոլորն աշխատում են դրա վրա: Ինչ ես տեսել եմ, գազի հարցը կլուծվի», - նշել է Զելենսկին: