Ադրբեջանի դեսպանատանը բախվել են «Իսկանդեր» հրթիռի բեկորներ. Զելենսկի

Ուկրաինայի նախագահ Վլադիմիր Զելենսկին մեկնաբանել է ռուսական վերջին հարձակումները՝ գրառում կատարելով Х սոցիալական ցանցի իր էջում։

Caliber.Az-ի փոխանցմամբ՝ գրառման մեջ ասվում է.

«Մեր արտակարգ ծառայությունները երեկվանից աշխատում են ռուսական հարվածների վայրերում։ Սա վախկոտ հարձակում է. այս պահին մենք գիտենք տասնյակ վիրավորների մասին, որոնց թվում կան երեխաներ և մեկ հղի կին։ Ցավոք, չորս մարդ զոհվել է։ Ցավակցում եմ նրանց ընտանիքներին և մերձավորներին։ Հարվածը ներառել է մոտ 430 անօդաչու թռչող սարք և 18 հրթիռ, այդ թվում՝ բալիստիկ և աէրոբալիստիկ հրթիռներ։

Սա միտումնավոր հաշվարկված հարձակում էր, որի նպատակն էր առավելագույն վնաս հասցնել մարդկանց և քաղաքացիական ենթակառուցվածքներին։ Միայն Կիևում վնասվել են տասնյակ բնակելի շենքեր։

Ադրբեջանի դեսպանատանը բախվել են «Իսկանդեր» հրթիռի բեկորներ»։