Գրինչուկ. Ուկրաինան կարող է շարունակել գազի ներմուծումը Ադրբեջանից

Անդրբալկանյան միջանցքով Ադրբեջանից Ուկրաինա գազի մատակարարման փորձնական նախագիծն արդեն ավարտվել է: Ներկայումս աշխատանքներ են տարվում նման մատակարարումները շարունակելու պայմանագիր կնքելու ուղղությամբ:

Ինչպես հաղորդում է РБК-Украина-ն, այս մասին հայտնել է Ուկրաինայի էներգետիկայի նախարար Սվետլանա Գրինչուկը:

«Մենք ներկայումս բանակցություններ ենք վարում: Ադրբեջանը հետաքրքրված է դրանով: Եթե մենք պայմանագիր կնքենք, մենք կշարունակենք (մատակարարումները արդեն 2025 թվականին- խմբ.)», - ասել է Գրինչուկը:

Նա նաև նշել է, որ կան ռազմական ռիսկեր, քանի որ վերջին ժամանակներում ռուսական զորքերը ակտիվացրել են հարձակումները գազային ենթակառուցվածքների վրա, որոնք ապահովում են ներմուծման գործողությունները: