Ադրբեջանի ՊՆ-ն կտրականապես հերքում է հայ զինծառայողի վիրավորվելու մասին տեղեկությունը

«Հայկական կողմի տարածած տեղեկությունն այն մասին, որ իբր նոյեմբերի 29-ին՝ ժամը 17:50-ին, ադրբեջանական բանակի ստորաբաժանումները տարբեր տրամաչափի հրաձգային զինատեսակներից գնդակոծել են Հայաստանի զինված ուժերի ստորաբաժանումների դիրքերը և վիրավորել հակառակորդի զինծառայողի, չի համապատասխանում իրականությանը»:

Այս մասին հայտնում է Caliber.Az-ը՝ հղում անելով Ադրբեջանի պաշտպանության նախարարությանը։

«Մենք կտրականապես հերքում ենք Հայաստանի պաշտպանության նախարարության տարածած տեղեկատվությունը»,- ասված է հաղորդագրությունում։