Ադրբեջանում ԱՄՆ դեսպանի թեկնածուն պատասխանել է հայամետ սենատորին

«Լավ նորությունն այն է, որ ներկայումս, համենայն դեպս, բոլոր կողմերը լրջորեն ներգրավված են բանակցային գործընթացում։ Դա հեշտ չի լինի, բայց լուծումը, որին մենք ցանկանում ենք հասնել, վերաբերում է տարածաշրջանի բոլոր մարդկանց իրավունքներին ու անվտանգությանը, ինչպես նաև ինքնիշխանության և տարածքային ամբողջականության հարցերին»:

Caliber.Az-ի փոխանցմամբ՝ այս մասին Սենատում ունեցած ելույթում հայտարարել է Ադրբեջանում ԱՄՆ-ի դեսպանի պաշտոնում առաջադրված Մարկ Լիբբին՝ պատասխանելով հայամետ սենատոր Բոբ Մենենդեսի՝ Ղարաբաղում և Լաչինի ճանապարհին իրավիճակի մասին հարցին։

«Ինչ վերաբերում է Ղարաբաղում տիրող իրավիճակին, ես չեմ ուզում կողմնակալ լինել այս հարցում, քանի որ դա այն հարցն է, որը որոշելու են կողմերը», - հավելել է Լիբբին: