Աղդամում թուրք-ռուսական համատեղ մոնիտորինգի կենտրոնը դադարեցրել է իր գործունեությունը

Այսօր՝ Աղդամում թուրք-ռուսական համատեղ մոնիտորինգի կենտրոնը դադարեցրել է իր գործունեությունը։

Ինչպես հայտնում է APA-ն, այս առիթով կենտրոնում անցկացվում է հանդիսավոր արարողություն։

Այդ կապակցությամբ մի խումբ լրատվամիջոցների ներկայացուցիչների համար կազմակերպվել է մեդիա շրջայց։

Նշենք, որ Թուրքիայի Հանրապետության և Ռուսաստանի Դաշնության միջև ստորագրված հուշագրի համաձայն՝ 2021 թվականի հունվարի 30-ին Ադրբեջանի Աղդամ քաղաքում ստեղծվել է թուրք-ռուսական համատեղ մոնիտորինգի կենտրոն՝ Ղարաբաղի տարածաշրջանում հրադադարի ռեժիմը վերահսկելու և օրենքի խախտումները կանխելու նպատակով։