ԱՄՆ-ը կարող է դադարեցնել Վրաստանում Լուգարի ​​լաբորատորիայի ֆինանսավորումը

Թբիլիսիի Լուգարի լաբորատորիան ֆինանսավորումից զրկելու ԱՄՆ իշխանությունների հնարավոր որոշումը կապված չէ՝ Վրաստանում ընդունված «օտարերկրյա գործակալների» մասին օրենքի հետ, սակայն դրա հետևում ավելի նշանակալից նպատակներ կան, որոնց պատճառով անհիմն հարձակում է իրականացվում երկրի վրա։

Ինչպես հաղորդում է Caliber.Az-ը՝ վրացական լրատվամիջոցներին հղումով, այս մասին հայտարարել է՝ ընթացակարգային հարցերի ու կանոնակարգերի խորհրդարանական հանձնաժողովի ղեկավար Իրակլի Կադագիշվիլին։

Նախօրեին վրացական լրատվամիջոցները հայտնել էին, որ Թբիլիսիի Ռիչարդ Լուգարի անվան հանրային առողջապահության հետազոտական կենտրոնը կորցրել է ԱՄՆ-ի ֆինանսական օգնությունը այն բանից հետո, երբ ամերիկյան կողմը որոշել է դադարեցնել ավելի քան 95 միլիոն դոլարի օգնությունը Վրաստանի կառավարությանը, ինչի մասին ԱՄՆ-ը հայտարարել են երկրում՝ «Օտարերկրյա ազդեցության թափանցիկության մասին» օրենքի ընդուման ֆոնին:

«Խոսքն այստեղ այն մասին չէ, որ այս ամենը տեղի է ունենում թափանցիկության օրենքի պատճառով։ Կան ավելի նշանակալից նպատակներ, ինչի պատճառով չհիմնավորված, բայց փաստացի, միանշանակ հարձակում է տեղի ունենում Վրաստանի վրա»,- ասել է Կադագիշվիլին։