Աննա Կարապետյան. Արևմուտքն ուզում է հնարավորինս շուտ խաղաղություն հաստատել Հայաստանի և Ադրբեջանի միջև

Արևմուտքը Ռուսաստանին Հարավային Կովկասից վտարելու քաղաքականություն է վարում:

Ինչպես հայտնում է Caliber.Az-ը՝ վկայակոչելով հայկական լրատվամիջոցներին, այս մասին հայտարարել է «Հայացք» վերլուծական կենտրոնի տնօրեն Աննա Կարապետյանը։

«Արևմուտքը փորձում է այնպես անել, որ Հայաստանը որքան հնարավոր է շուտ ֆիքսի, որ խնդիրներ չունի Ադրբեջանի և Թուրքիայի հետ։ Դա արվում է այն տեսանկյունից, որ եթե Ադրբեջանի և Թուրքիայի հետ խնդիրներ չկան, հետևաբար, տարածաշրջանում Ռուսաստանի անմիջական ներկայության, ռուսական ռազմակայանի կամ Ղարաբաղում խաղաղապահների առկայության անհրաժեշտությունը նվազում կամ զրոյացվում է»,- ասել է Կարապետյանը «Հատուկ կարծիք» հաղորդաշարում։

Նա նշել է, որ այս կերպ Արևմուտքն առաջ է տանում Ռուսաստանին տարածաշրջանից վտարելու քաղաքականությունը։

«Այս համատեքստում մանրամասները նշանակություն չունեն։ Նույնը վերաբերում է միջանցքի հարցին՝ կլինի՞ դա, թե՞ ոչ։ Արևմուտքի համար էական չէ, թե ինչպես կիրականացվի սահմանագծումն ու սահմանազատումը. գլխավորը հնարավորինս շուտ խաղաղության պայմանագրի կնքումն է, որում կֆիքսվի, որ հակամարտություն չկա, հետևաբար՝ Ռուսաստանի կարիքն էլ չկա »,- ասել է Կարապետյանը։