ԵԱՀԿ ԽՎ հայտարարությունը. Ղարաբաղն Ադրբեջանի տարածքն է

15 Նոյեմբերի 2023 09:38

ԵԱՀԿ Խորհրդարանական վեհաժողովի նախագահ Պիա Կաուման և Հարավային Կովկասում հատուկ ներկայացուցիչ Կարի Հենրիքսենը ողջունել են Ադրբեջանի հանձնառությունը՝ շարունակելու ջանքերը Հայաստանի հետ խաղաղության համաձայնագրի կնքման ուղղությամբ։

Ինչպես հաղորդում է Caliber.Az-ը, այս մասին ասված է ԵԱՀԿ ԽՎ հայտարարության մեջ։

Նշվել է, որ Բաքու կատարած այցի շրջանակներում Ադրբեջանի քաղաքական ղեկավարության հետ քննարկում է ծավալվել Հայաստանի հետ համապարփակ կարգավորման հասնելու ուղղությամբ։ Հայտարարության մեջ ընդգծվում է, որ Ղարաբաղն Ադրբեջանի շրջան է։

«Ադրբեջան այցի շրջանակներում ԵԱՀԿ ԽՎ նախագահ Պիա Կաուման (Ֆինլանդիա) և Հարավային Կովկասի հարցերով հատուկ ներկայացուցիչ Կարի Հենրիքսենը (Նորվեգիա) երկրի քաղաքական ղեկավարության հետ քննարկել են Ադրբեջանի կողմից սեպտեմբերին իր Ղարաբաղի շրջանի նկատմամբ վերահսկողություն վերականգնումից հետո Հայաստանի հետ լիակատար կարգավորման հասնելու անհրաժեշտությունը։

Խաղաղության համաձայնագրի առաջխաղացման և հարաբերությունների կարգավորման համար անհրաժեշտ է կառուցողական ներգրավվածություն»:

Հայտարարության մեջ ընդգծվում է, որ Ադրբեջանի ակտիվ մասնակցությունը ԵԱՀԿ ԽՎ-ին դրական նշան է տարածաշրջանում բազմակողմ դիվանագիտության և երկխոսության համար։

Caliber.Az

Դիտումներ: 222

Liked the story? Share it on social media!