ԶԼՄ-ներ. Ֆրանսիական զենքը Հայաստանում արդյունավետ չէ

«Օրեր առաջ ՀՀ պաշտպանության նախարար Սուրեն Պապիկյանն ասել էր, որ բանակը զենքի գնման պայմանագրեր ունի ոչ միայն Հնդկաստանի և Ֆրանսիայի հետ, և որ առաջիկայում այլ երկրներից նույնպես մատակարարումներ կլինեն։ Տեսակետ կա, որ Պապիկյանը փորձում է տպավորել հայ հասարակությանը նման հայտարարություններով, թե բանակը զինվում է ժամանակակից զենք-զինամթերքով, ռուսական զենքից անցում է կատարվում այլ երկրների զենքերի»։

Ինչպես հայտնում է Caliber.Az-ը, այս մասին գրում են հայկական ԶԼՄ-ները։

«Սակայն, ինչպես նշում են տարբեր փորձագետներ, մինչ այժմ, բացի Ռուսաստանից մատակարարվող զենքից, այլ երկրներից ստացված զենքն ու զինամթերքը, մեղմ ասած, չեն կարող արդյունավետ աշխատել հայկական բանակում, քանի որ ձեռք բերված ռադիոտեղորոշիչ սարքերը չեն համապատասխանում գործող համակարգի չափանիշների պահանջներին, իսկ ֆրանսիական կողմը Հայաստանին չի վաճառում՝ այդ սարքերով հայտնաբերված թիրախները ոչնչացնելու համար նախատեսված հրթիռներ։

Ինչ վերաբերում է Ֆրանսիայում գնված տրանսպորտային միջոցներին, ապա դրանց ցածր որակը մեկ անգամ չէ, որ նշվել է, ինչի մասին է վկայում նաև ուկրաինական կողմի հրաժարումն այդ տեխնիկայի օգտագործումց։ Մյուս կողմից, ըստ ռազմական փորձագետների, հնդկական զենքի տրամաչափը տարբերվում է մերից, և այսօր մեր բանակը չունի այն իրական կյանքում օգտագործելու փորձ ու հմտություններ»,- ասվում է հաղորդագրությունում։