Հայաստանը որդեգրում է ՄՌԸ «Վագներ»-ի պրակտիկան Բանտի փոխարեն բանակ

Հայաստանի զինված ուժերում անձնակազմի սուր պակասը Պնախարարությանը և զինկոմիսարիատներին ստիպում է դիմել հնարքների, որպեստի զենքի տակ դնել հնարավորինս շատ մարդկանց։ Մասնավորապես, վերջերս քրեական գործերով անցած անձանց սկսել են «գայթակղիչ» առաջարկներ անել՝ պատժից ազատում բանակում ծառայելու փոխարեն։

Այսպիսով, նրանցից մեկը, ում արդեն զանգել են զինկոմիսարյատից՝ «Ազատություն» ռադիոկայանի հայկական ծառայությանը հայտնել է, որ իրեն բաց տեքստով հայտարարել են. «Կազատվես քրեական պատասխանատվությունից, եթե գնաս ուսումնամարզական հավաքների»։

Բայց երիտասարդը հրաժարվել է, դեպքի մասին հայտնելով փաստաբան Արսեն Մկրտչյանին։

«Խարդախությունը կայանում է նրանում, որպեսզի ուսումնամարզական հավաքին տանել զորակոչի ոչ ենթակա անձին»,- փաստաբանին մեջբերում է ռադիոկայանը։

Անձամբ Մկրտչյանը արդեն երկու անգամ բախվել է նման բանի, ընդ որում, իր պաշտպանյալներից մեկը արդեն գնացել է հավաք, սակայն մեղադրանքը նրա վրայից այդպես էլ չեն հանել։

Մեղադրյալներից, հավելել է Մկրտչյանը, վերցնում են չհեռանալու մասին գրավոր պարտավորություն, եթե նրանք գնում են ուսումնամարզական հավաքներ, նրանց հասցեն փոխվում է, քննչական գործողությունների անցկացումը դժվարանում է, հետաքննությունը ձգձգվում է։ Մյուս կողմից՝ խախտվում է ուսումնամարզական հավաքների անցկացման կարգը։ Բայց ամենակարեւորն է, թե զինկոմիսարյատները ինչպե՞ս կարող են միջամտել իրավապահ մարմինների աշխատանքին և խոստանալ փակել գործերը։

Զինկոմիսարյատները, նրա կարծիքով, նման բանի են դիմում ռեսուրսների անբավարարության պատճառով։

Դրանով հանդերձ, պաշտպանության հարցերով խորհրդարանական մշտական հանձնաժողովի նախագահ Անդրանիկ Քոչարյանը հերքում է այդ լուրերը։ Ինչպես նշել է իշխող կուսակցությունից պատգամավորը, տվյալ մեխանիզմը «կիրառվում է ռուս-ուկրաինական պատերազմում, բայց ոչ Հայաստանում»։

«Նա, ով նման բան է ասում, երևի շփոթում է. ռուս-ուկրաինական պատերազմում նման ուժեր օգտագործում են, կան այդպիսի մեխանիզմներ, Հայաստանում նման մեխանիզմներ չկան և չեն կարող լինել»,- ասել է խորհրդարանականը։

Սակայն Քոչարյանին չեն հավատում, անցյալ տարի հենց նա է փոխոստիկանապետին հրապարակավ առաջարկել՝ ուսումնամարզական հավաքները օգտագործել որպես պատիժ և հավաքներին տանել ընդդիմության ցույցերի ժամանակ բերման ենթարկված տղամարդկանց։

Հելսինկյան քաղաքացիական ասամբլեայի Վանաձորի գրասենյակի ռազմական հարցերով ներկայացուցիչ Նազելի Մովսեսյանը հայտարարել է, որ նրան նույնպես դիմել է մի տղամարդ, հայտնել իր մեղադրյալի կարգավիճակը. նրան նույնպես զանգահարել են և առաջարկել մեղադրանքի դիմաց մասնակցել ուսումնամարզական հավաքին։