Հայաստանում կոչ են անում արգելել ՀՅԴ-ն. հայակործան կուսակցություն է

ՔՊ-ական պատգամավոր Հակոբ Ասլանյանը կարծում է, որ Հայ հեղափոխական դաշնակցության գործունեությունը պետք է դադարեցվի։ Նա տարբեր տեղերում անկեղծացել է, որ ուզում է նման գործընթաց սկսել։

Caliber.Az-ի փոխանցմամբ՝ այս մասին գրում է «Հրապարակ» օրաթերթը:

Իսկ դրա «իրավական հիմքը», ըստ Ասլանյանի, այն է, որ երբ 1998-ին ՀՅԴ գործունեությունը կասեցնելու որոշումը չեղարկվել է, «Կուսակցությունների մասին» օրենքով՝ ՀՅԴ-ն պետք է գործունեությունը վերսկսեր համագումար անցկացնելուց հետո, ինչը չի արել։

Հիշեցնենք, որ 1994թ․ դեկտեմբերի 28-ին նախագահ Լևոն Տեր-Պետրոսյանի հրամանագրով կասեցվել է ՀՅԴ գործունեությունը՝ քաղաքական կուսակցությունների մասին օրենքը խախտելու մեղադրանքով։

«Այո, Դաշնակցությունը պետք է դադարեցնի իր գործունեությունը, որովհետև հայակործան կազմակերպություն է, և դա ես չեմ ասում, դա ասել են իրենց շատուշատ ներկայացուցիչներ, ինչպես նաև՝ հայտնի մարդիկ: Ես ինձ համար նյութեր եմ հավաքում, որպեսզի ավելին իմանամ այդ կազմակերպության լրտեսական գործունեության մասին»,- ասում է Ասլանյանը։