Հիքմեթ Հաջիև. 35 տարի անց մենք Մալըբեյլիում ենք

Ադրբեջանի նախագահի օգնական, նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը Х-ի իր էջում կիսվել է տեսանյութով:

Այս մասին հայտնում է Caliber.Az-ը՝ հղում անելով նախագահի օգնականի X-ի էջին։

«35 տարի անց մենք վերջապես կարողացանք հասնել ազատագրված ադրբեջանական Մալըբեյլի գյուղ։ Ինչպես Ադրբեջանի մյուս գյուղերը, ավաններն ու քաղաքները, Մալըբեյլին նույնպես թալանվել և ավերվել է հայկական օկուպացիայի ժամանակ։ Մալըբեյլիի մզկիթը, ինչպես Ղարաբաղի և Արևելյան Զանգեզուրի այլ աղոթատեղիները, Հայաստանի կողմից ավերվել և օգտագործվել է որպես անասնագոմ՝ դրանով իսկ վիրավորելով բոլոր մահմեդականների զգացմունքները։

Ականատեսների վկայությամբ՝ այնտեղ անհայտ կորածների զանգվածային գերեզմաններ գտնելու հավանականությունը մեծ է, քանի որ հայկական կողմը զանգվածաբար սպանել և թաղել է գերի ադրբեջանցի խաղաղ բնակիչներին և զինվորականներին Մալըբեյլիի գերեզմանատանը»,- գրել է Հաջիևը։

In 35 years, we have finally had access to liberated Malibayli village of Azerbaijan. As other villages, towns, and cities of Azerbaijan Malibayli was also looted, devastated, and ruined under Armenian occupation. XVIII century mosque of Malibayli was also destroyed as other… pic.twitter.com/yrxIxYUoHm

— Hikmet Hajiyev (@HikmetHajiyev) October 2, 2023