Հրամանատարական հավաքներ ադրբեջանական բանակում ԼՈՒՍԱՆԿԱՐ

Պաշտպանության նախարար, գեներալ-գնդապետ Զաքիր Հասանովի կողմից հաստատված 2024 թվականի մարտական պատրաստության պլանի համաձայն՝ ադրբեջանական բանակում հրամանատարական հավաքներ են անցկացվում:

Ինչպես Caliber.Az-ին հայտնել են պաշտպանական գերատեսչությունից, տեսական և գործնական պարապմունքների ընթացքում ստուգվելու են սպաների գիտելիքներն ու ժամանակակից համազորային մարտ վարելու ունակությունը, ինչպես նաև ֆիզիկական և շարային պատրաստությունը։ Բացի այդ, հրաձգություն կիրականացնեն հրաձգային զենքերից։

Հավաքների հիմնական նպատակը ստորաբաժանումների կառավարման ոլորտում սպաների գիտելիքների և պրոֆեսիոնալիզմի մակարդակի բարձրացումն է: