Մոսկվայում կայացել է ռուս-ադրբեջանական փորձագիտական ​​խորհրդի երկրորդ նիստը

«Մոսկվայում կայացել է՝«ՌԴ և Ադրբեջանի Հանրապետության միջև դիվանագիտական հարաբերությունների 30-ամյակը. անցած ուղին և երկկողմ հարաբերությունների զարգացման հեռանկարները տարածաշրջանային և գլոբալ համագործակցության համատեքստում» խորագրով ռուս-ադրբեջանական փորձագիտական խորհրդի (ՌՀՏԽ) երկրորդ նիստը:

Caliber.Az-ը հայտնում է, որ հանդիպումը կազմակերպել են՝ Ռուսաստանի միջազգային հարաբերությունների հարցերի խորհուրդը (ՌՄՀԽ) և Ադրբեջանի Միջազգային հարաբերությունների վերլուծության կենտրոնը (ԱՄՀՎԿ):

Միջոցառումը բացել են ՌՄՀԽ-ի գլխավոր տնօրեն Անդրեյ Կորտունովը և Միջազգային հարաբերությունների վերլուծության կենտրոնի նախագահ Ֆարիդ Շաֆիևը։

Բացման արարողությանը ելույթ ունեցող, ԱՀ արտաքին գործերի նախարարության հատուկ հանձնարարություններով դեսպան Էլշադ Իսկենդերովը, Միլլի Մեջլիսի պատգամավոր Նիզամի Սաֆարովը, ՌԴ Պետդումայի պատգամավոր Կազբեկ Տայսաևը ընդգծել են, որ ադրբեջանա- ռուսական հարաբերությունները հիմնված են շահերի փոխադարձ հարգանքի ամուր հիմքի, պատմական արմատների և երկու երկրների ղեկավարների միջև վստահության բարձր մակարդակի վրա։

Տայսաևը նշել է, որ Ռուսաստանը բարձր է գնահատում նախագահ Իլհամ Ալիևի ավանդը՝ Ադրբեջանի համզգային առաջնորդ Հեյդար Ալիևի կողմից դրված երկկողմ հարաբերությունների հիմքերի զարգացման գործում։ Հաջորդ տարի Ռուսաստանում լայնորեն կնշեն Հեյդար Ալիևի ծննդյան հարյուրամյակը, ինչը հնարավորություն կտա քննարկել այդ մեծ անձնավորության դերը մեր ընդհանուր պատմության մեջ։

Ադրբեջանի արտաքին գործերի նախարարության հատուկ հանձնարարություններով դեսպան Էլշադ Իսկենդերովն պատմել է, որ անկախ պետությունների միջև ավելի քան 30 տարվա փոխգործակցության ընթացքում կառուցվել է՝ Ռուսաստանի և Ադրբեջանի միջև ռազմավարական գործընկերության կայուն բանաձև, որը կարող է լինել ինքնիշխան խաղացողների հարաբերությունների մոդել՝ բազմաբևեռ աշխարհի պայմաններում: