Յուսիֆ Աբդուլլաև. Ադրբեջանում գործում է 245 չինական ընկերություն
Ադրբեջանի տնտեսության մեջ Չինաստանի ուղղակի ներդրումների մեծ մասը (81%) կատարվել է նավթագազային ոլորտում:
Ինչպես հաղորդում է Caliber.Az-ը, այս մասին հայտարարել է Ադրբեջանի արտահանման և ներդրումների խրախուսման գործակալության (AZPROMO) գործադիր տնօրեն Յուսիֆ Աբդուլլաևը։
«1995-2023 թվականներին Ադրբեջանում չինական ուղղակի ներդրումների ծավալը կազմել է 930,8 մլն դոլար։ Դրանից 754 մլն դոլարը ուղղվել է նավթագազային, իսկ 176 մլն դոլարը՝ ոչ նավթագազային հատվածներին»,- երկուշաբթի ասել է Աբդուլլաևը Ադրբեջանում լոգիստիկայի և առևտրի զարգացմանը նվիրված «ՇՀԿ-ի ցուցադրական գոտի» համաժողովում:
Նա նաև նշել է, որ ներկայումս Ադրբեջանում արդյունաբերության, գյուղատնտեսության, տրանսպորտի, շինարարության, առևտրի և ծառայությունների ոլորտներում ակտիվորեն գործում են 245 չինական ընկերություններ։