Շաֆիև. Թուրքական երկրների ուղեղային կենտրոնները հուլիսին կհավաքվեն Շուշայում

Թուրքական երկրների ուղեղային կենտրոնների հերթական հանդիպումը տեղի կունենա Շուշայում։

Ինչպես հաղորդում է Caliber.Az-ը, այս մասին Ադրբեջանի և Ղազախստանի միջև դիվանագիտական հարաբերությունների հաստատման 30-ամյակին և Ադրբեջանա-ղազախական փորձագիտական խորհուրդի ստեղծմանը նվիրված կլոր սեղանի ժամանակ ասել է՝ Միջազգային հարաբերությունների վերլուծության կենտրոնի խորհրդի նախագահ Ֆարիդ Շաֆիևը։

Նրա խոսքով՝ համաժողովը տեղի կունենա հուլիսի 3-ին։

Հիշեցնենք, որ ապրիլի վերջին Շուշայում տեղի ունեցավ «Հարավային Կովկաս. զարգացում և համագործակցություն» միջազգային ֆորումը։ Միջոցառումը կազմակերպվել էր Միջազգային հարաբերությունների վերլուծության կենտրոնի և ADA համալսարանի կողմից, որին մասնակցում էին փորձագետներ, հետազոտող գիտնականներ և լրատվամիջոցների ներկայացուցիչներ ավելի քան 20 երկրներից շուրջ 50 արտասահմանյան ուղեղային կենտրոններից։