Քաղաքագետ Ռոդիոնով. Հայաստանում հնդկական հրետանային համակարգերը խափանվել են մի քանի կրակոցից հետո

«Հարկ է նշել, որ հնդկական համակարգերը մինչ այժմ օգտագործվել են միայն Հնդկաստանի կողմից Պակիստանի հետ սահմանային հակամարտությունների ժամանակ, և դրանցից մի քանիսը նույնիսկ ընդգրկված չեն Հնդկաստանի Զինված ուժերի զինանոցում և գտնվում են փորձարկման փուլում։ Ինչո՞ւ գնել արևմտյան զենքի անալոգներ, որոնք, առավել ևս, չեն ապացուցել իրենց արդյունավետությունը։ Ընդ որում՝ պայմանագրի ստորագրումից հետո Նյու Դելին չկարողացավ ժամանակին և որակյալ արտադրություն հաստատել որոշ սպառազինությունների խոստացված տեսակների համար»։

Ինչպես հայտնում է Caliber.Az-ը, այս մասին ռուսական լրատվամիջոցներին ասել է քաղաքագետ Դմիտրի Ռոդիոնովը՝ մեկնաբանելով Հայաստանի կողմից հնդկական և ֆրանսիական զենքի գնումները։

«Էլ չեմ խոսում այն մասին, որ Հնդկաստանից գնված զենքը 2-4 անգամ ավելի թանկ է, քան ռուսականը։ Բացի այդ, 2-3 մլն դոլար է վճարվել միայն ուղեկցող գրականությունը հայերեն թարգմանելու համար: Էլ չասեմ, որ խոսքը ՆԱՏՕ-ի տրամաչափերի մասին է, որոնք այնքան էլ չեն համապատասխանում ռուսականին, որոնք դեռևս կազմում են Հայաստանի Զինված ուժերի սպառազինության հիմքը: Թե՞ Հայաստանը վերջնականապես և անդառնալիորեն որոշել է հրաժարվել ռուսական զենքից, ինչպես արեց Ադրբեջանը։ Բայց Ադրբեջանը ՀԱՊԿ անդամ չէ։

Եվ, այո, Ադրբեջանը կարող է իրեն թույլ տալ ֆինանսապես. գործընթացը ոչ միայն դանդաղ է, այլև թանկ: Իսկ Հայաստանում պարզապես չկա անհրաժեշտ թվով սպասարկող անձնակազմ, վերանորոգման սարքավորումներ, պահեստամասեր. այս ամենը պետք է զրոյից ստեղծել։ Հնդկաստանից բերված զենքի վերջին խմբաքանակի ավելի քան 30%-ը մի քանի կրակոցից հետո շարքից դուրս է եկել, և դրանք ամիսներով չեն կարող վերանորոգվել։ Գնված հրետանային կայանքները չեն փորձարկվել կրակի առավելագույն հեռահարության առումով»,- ասել է քաղաքագետը։