Բայրամով. Ադրբեջանը պատրաստ է մարդասիրական աջակցություն ցուցաբերել Սոմալիին

Ադրբեջանը պատրաստ է մարդասիրական աջակցություն ցուցաբերել Սոմալիին:

Ինչպես հայտնում է Caliber.Az-ը, այս մասին Սոմալիի արտաքին գործերի և միջազգային համագործակցության նախարար Ահմեդ Մոալլիմ Ֆիջիի հետ համատեղ մամուլի ասուլիսի ժամանակ ասել է՝ Ադրբեջանի արտաքին գործերի նախարար Ջեյհուն Բայրամովը։

«Մենք կրթական ծրագիր ունենք Իսլամական համագործակցության կազմակերպության երկրների համար, և Սոմալիից մի քանի երիտասարդներ արդեն օգտվել են դրանից։ Այս համագործակցությունը կշարունակվի նաև ապագայում։ Այս տարի Ադրբեջանում նախատեսվում է անցկացնել մի շարք միջոցառումներ, որոնցից ամենամեծը COP29-ն է։ Ուրախ կլինենք տեսնել Սոմալիի պատվիրակությանը այս համաժողովում»,- նշել է նախարարը։