«Մարդկանց հետապնդումն իրենց քաղաքական համոզմունքների համար անընդունելի է» Ադրբեջանի ԱԳՆ-ն՝ Ֆրանսիայում Դուրովի և Սեբի ձերբակալության մասին

Ֆրանսիական իրավապահ մարմինների կողմից Telegram սոցիալական ցանցի հիմնադիր Պավել Դուրովի և աֆրիկյան ժողովուրդների իրավունքների համար պայքարող Քեմի Սեբի ձերբակալումը և նրանց նկատմամբ կալանքը որպես խափանման միջոց կիրառելը Ֆրանսիայի կողմից մարդու հիմնարար իրավունքների խախտում է։

Այդ մարդկանց հետապնդումն իրենց քաղաքական համոզմունքների համար անընդունելի է։

Ինչպես հայտնում է Caliber.Az-ը, այս մասին ասված է Ադրբեջանի արտաքին գործերի նախարարության մամուլի քարտուղար Այխան Հաջիզադեի մեկնաբանության մեջ։

«Ֆրանսիական կողմը պետք է ապահովի թափանցիկ և արդար հետաքննություն և պատշաճ կերպով տեղեկացնի միջազգային հանրությանը։

Մենք կարծում ենք, որ Ֆրանսիայում քաղաքական դրդապատճառներով նման ձերբակալությունները պետք է հետաքննվեն Եվրամիության, Եվրախորհրդի և Եվրոպայում անվտանգության և համագործակցության կազմակերպության համապատասխան մարմինների կողմից»,- ասել է Հաջիզադեն։