Բելառուսը հարյուրավոր ընտանիքների համար բնակավայր կկառուցի Ղարաբաղում

Բելառուսը Ղարաբաղում 420 ընտանիքի համար ավան կկառուցի: Այս մասին հայտարարել է ճարտարապետության և շինարարության նախարար Ռուսլան Պարխամովիչը։

Ինչպես հաղորդում է BelTA-ն, նրա խոսքով, նախատեսվում է նախագիծ մշակել կոնկրետ բնակավայրի համար։ Դա կլինի գյուղատնտեսական ավանի պես մի բան։ Աշխատանքները կիրականացվեն գյուղատնտեսության և պարենի նախարարության հետ համատեղ, քանի որ նախատեսվում է կառուցել ոչ միայն բնակարանային, այլև արտադրական օբյեկտներ։ Այնուհետև հայեցակարգը կներկայացվի ադրբեջանական կողմին։

Դրա հաստատումից հետո բելառուսական կողմը նախատեսում է սկսել շինարարությունը և կառուցել բնակարաններ, այլ օբյեկտներ, ինչպես նաև ամբողջ ենթակառուցվածքը։