Ղարաբաղում բնակվող հայերը կգրանցվեն Ադրբեջանի նախագահի աշխատակազմի հաղորդագրությունը

Ադրբեջանի Հանրապետության Ղարաբաղի տնտեսական շրջանում ապրող հայ բնակիչների վերաինտեգրումն ապահովելու և Ադրբեջանի պետության հովանավորությունից օգտվելու հնարավորություն ընձեռելու նպատակով, Ղարաբաղի շրջանում սոցիալական, հումանիտար, տնտեսական և ենթակառուցվածքային խնդիրների լուծման համար ստեղծված աշխատանքային խմբին այդ անձանց իրավական կարգավիճակը պարզելու հետ կապված համապատասխան հանձնարարություններ են տրվել:

Այս մասին ասված է Ադրբեջանի Հանրապետության նախագահի աշխատակազմի հաղորդագրության մեջ:

«Այդ գործունեության շրջանակներում նախատեսվում է նախնական փուլում գրանցել Ղարաբաղի տնտեսական շրջանում բնակվող հայ բնակիչներին։ Դիմումների ընդունման և գրանցման գործընթացը կիրականացվի էլեկտրոնային եղանակով՝ Միգրացիոն պետական ծառայության կողմից ստեղծված հատուկ պորտալի միջոցով՝ դիմողների առավելագույն հարմարավետությունն ու տեղեկատվության մատչելիությունն ապահովելու նպատակով։

Նախնական գրանցումը թույլ կտա Ղարաբաղի տնտեսական շրջանում ապրող հայ բնակչությանը արդյունավետորեն օգտվել պետական բոլոր ծառայություններից, ինչպես նաև բավարարել իրենց սոցիալ-տնտեսական և հումանիտար կարիքները:

Ադրբեջանի Հանրապետության նախագահի աշխատակազմը հիշեցնում է, որ Ղարաբաղի տնտեսական շրջանում բնակվող հայ բնակիչները նախնական գրանցման համար կարող են ինքնակամ դիմել reintegration.gov.az պորտալին կամ հետևյալ կապի միջոցներով.

հեռախոսահամար՝ +994125260919

WhatsApp-ի հեռախոսահամար՝ +994705270919

Էլեկտրոնային փոստի հասցե՝ info@reintegration.gov.az

Բացի այդ, շուտով կկազմակերպվի հայտերի ընդունումը տեղում», - ասվում է հաղորդագրության մեջ։