Շուշայում կսկսեն աշխատել էլեկտրական ավտոբուսներ

Շուշան կլինի Ղարաբաղի առաջին քաղաքը, որտեղ կգործեն էլեկտրական ավտոբուսներ.

Ինչպես հաղորդում է Caliber.Az-ը, այս մասին հայտարարել է Շուշայի շրջանում ԱՀ նախագահի հատուկ ներկայացուցիչ Այդըն Քերիմովը, Լաչինում 30 երկրների փորձագետների մասնակցությամբ անցկացվող՝ «Ղարաբաղում կայուն զարգացում» թեմայով միջազգային համաժողովի շրջանակներում կազմակերպված պանելային քննարկման ժամանակ։

Նրա խոսքով՝ այդ ավտոբուսներն արտադրվում են Գյանջայում՝ Բելառուսի գործընկերների հետ համագործակցությամբ։

«Շուշան արդեն ստացել է չորս այդպիսի ավտոբուս։ Նրանք ամբողջովին էլեկտրական են և իրենց լավ են դրսևորել տեղական լեռնային լանդշաֆտում: Այսպիսով, սա կլինի մեր նորամուծությունը՝ քաղաքային հասարակական տրանսպորտի համակարգում: Հաջորդ ամիս ավտոբուսները շահագործման կհանձնվեն»,- ասել է Այդըն Քերիմովը։

Նրա խոսքով, Կայուն զարգացման նպատակներին հասնելու շրջանակներում Շուշա քաղաքում կստեղծվեն նաև հեծանվային ուղիներ։