Պակիստանի վարչապետը զանգահարել է Իլհամ Ալիևին

Հունիսի 16-ին Պակիստանի Իսլամական Հանրապետության վարչապետ Մուհամմեդ Շահբազ Շարիֆը զանգահարել է Ադրբեջանի Հանրապետության նախագահ Իլհամ Ալիևին։

Ինչպես հայտնում է Caliber.Az-ը, այս մասին տեղեկություն է տարածել նախագահի մամուլի ծառայությունը։

Մուհամմեդ Շահբազ Շարիֆը շնորհավորել է Ադրբեջանի ղեկավարին, բարեկամ և եղբայրական ադրբեջանական ժողովրդին՝ սուրբ Գուրբանի տոնի առթիվ։

Երախտագիտություն հայտնելով ուշադրության և շնորհավորանքների համար՝ Ադրբեջանի նախագահն իր հերթին, շնորհավորանքներ է փոխանցել տոնի առթիվ բարեկամ ու եղբայր Պակիստանի ժողովրդին, մաղթել խաղաղություն և հանգստություն:

Նախագահ Իլհամ Ալիևը և վարչապետ Մուհամմեդ Շահբազ Շարիֆը հեռախոսազրույցի ընթացքում քննարկել են տարբեր ոլորտներում կապերի զարգացման հեռանկարները և համաձայնության են եկել երկկողմ հարաբերություններն էլ ավելի բարձր մակարդակի բարձրացնելու վերաբերյալ։