Մեկնարկել է Շուշայի հետ կապված նոր նախագծի իրականացումը

Մեկնարկել է «Շուշա քաղաքի վիրտուալ քարոզչության կենտրոն» նախագծի իրականացումը։

Caliber.Az-ը հայտնում է, որ նախագիծն իրականացվում է «Առողջ զարգացում և կրթություն» հասարակական միավորման կողմից՝ ոչ կառավարական կազմակերպությունների պետական աջակցության գործակալության ֆինանսական աջակցությամբ։

Կազմակերպության նախագահ Անար Խալիլովի խոսքով, կայքը ստեղծվելու է Շուշայի վիրտուալ առաջխաղացման նպատակով և կգործի մի քանի լեզուներով։

Ինտերնետային ռեսուրսը կպարունակի տեղեկություններ պատմական, պատմամշակութային հուշարձանների, Շուշա քաղաքի ցուցանմուշների, Ադրբեջանի մշակութային մայրաքաղաքի տնտեսության, ազատագրումից հետո Շուշա քաղաքի վերականգնման աշխատանքների մասին և այլն։