Ադրբեջանը նախատեսում է Ղարաբաղում յակ բուծել

Ադրբեջանը պլանավորում է յակեր գնել Տաջիկստանից՝ Ղարաբաղի մարզում դրանց բուծման համար։

Ինչպես հաղորդում է Caliber.Az-ը՝ վկայակոչելով Asia+-ին, այս մասին խոսվել է Ադրբեջանի գյուղատնտեսության փոխնախարար Էլչին Զեյնալովի և Տաջիկստանի գյուղատնտեսության նախարարության ներկայացուցիչների առցանց հանդիպման ժամանակ։

Հանդիպման ընթացքում Տաջիկստանի գյուղատնտեսության փոխնախարար Նիգինա Անվարին իր շահագրգռվածությունն է հայտնել Ադրբեջանից անասունների և ձկների համար կեր ներկրելու հարցում:

Հանդիպման ընթացքում քննարկվել է երկրների միջև գյուղատնտեսական ապրանքների առևտրի հարցը՝ հաշվի առնելով Տաջիկստանի արտահանման ներուժի ավելացումը։