ԽՍՀՄ նախկին նախարարի փախուստը Ղարաբաղից՝ փողի ճամպրուկով
Caliber.Az-ի էքսկլյուզիվ

Ղարաբաղ  09 Հունվարի 2023 - 16:28

Նախօրեին՝ հունվարի 8-ին, անջատողական կազմավորման մնացորդների «պետական նախարար» Ռուբեն Վարդանյանը հանդես է եկել հերթական կոչով, որոնք վերջին շրջանում բավականին շատ էին։ Այս անգամ, սակայն, այն բավականին ծավալուն էր, բայց այս դեպքում էլ դժվար թե ուշադրություն դարձնեինք դրա վրա, եթե մեզ չհետաքրքրեր նրա խոսքերում մի պահը։ Այսպես, Վարդանյանը գանգատվել է, որ Խանքենդիից մի քանի մեծահարուստների փախուստի դեպքեր կան:

«Մենք մի քանի դեպք ենք ունեցել, և այս դեպքերը հստակ ցույց են տալիս ինձ համար անընդունելի իրավիճակ։ Օրինակ, մենք գիտենք, որ մի հարուստ ընտանիքը հանգստանալու է գնացել՝ օգտագործելով իր կապերը, և դա շատ մեծ բացասական ռեակցիա է առաջացրել»,- ասել է նա։

Caliber.Az-ի խմբագրությանը հաջողվել է պարզել, թե ում ի նկատի ունի Վարդանյանը։ Ինչպես մեզ հայտնել են իրազեկ աղբյուրները, «պետնախարարը» նկատի ուներ Գրիգորի Արկադևիչ Գաբրիելյանցի ընտանիքը։ Գաբրիելյանցը ծնվել է 1934 թվականին Բաքվում, խորհրդային երկրաբան է, 1989-1991 թվականներին եղել է ԽՍՀՄ գեոլոգիայի նախարար։

Մի քանի օր առաջ ՌԽՔ-ի ներկայացուցիչները ադրբեջանական կողմին հայտնել էին այն մասին, որ Գաբրիելյանցի «բժշկական» տարհանում է պահանջվում Խանքենդիից։ Խնդրանքում նշվել է, որ 88-ամյա նախկին նախարարի հետ միասին խաղաղապահների ուղղաթիռում կլինեն ուղկցող, կորոնավիրուսով հիվանդ երկու ռուս զինվորականներ։

Տեղում մեր իրազեկողները հայտնել են, որ Գաբրիելյանցը մտել է օդային նավահանգստի տերմինալ, չնայած իր տարիքին և ՌԽՔ-ի «բժշկական տարհանման» մասին հաղորդագրությանը, նա բացարձակապես առույգ է և ոտքի վրա։ Նրան ուղեկցել է կինը։ Նախկին նախարարը ձեռքում ամուր բռնել էր մի ճամպրուկ-դիպլոմատ, որը, մեր տեղեկություններով, փողերով լիքն էր։

Պարզվում է, որ խաղաղապահների օգնությամբ խորհրդային նախկին բարձրաստիճան պաշտոնյայի համար կազմակերպվել է «VIP շրջագայություն», իսկ ավելի ճիշտ՝ փախուստ Խանքենդիից Էրեբունի՝ ռուսական բանակի ռազմաբազա։ Միևնույն ժամանակ, վերը նշված «երկու հիվանդ զինվորները» այդպես էլ չեն հայտնվել Խոջալուի օդանավակայանում։

Caliber.Az

Դիտումներ: 202