Ադրբեջանցի սակրավորներն ազատագրված հողերում ականազերծել են ավելի քան 30 000 հա տարածք

Ադրբեջանական բանակի ինժեներասակրավորական ստորաբաժանումները շարունակում են առաջադրանքներ կատարել ազատագրված տարածքներում։
 
Ինչպես Caliber.Az-ին հայտնել են ՊՆ-ում, այս տարվա հունիսին ազատագրված տարածքներում ինժեներասակրավորական ստորաբաժանումների գործունեության արդյունքում ականներից ամբողջությամբ մաքրվել է մինչև 200 հեկտար տարածք։ Օկուպացիայից ազատագրված հողերում ինժեներասակրավորական ստորաբաժանումների կողմից մինչ օրս ականներից և չպայթած զինամթերքից մաքրվել է ավելի քան 30 890 հեկտար տարածք։
 
Բացի այդ, դժվարանցանելի տեղանքներում տրանսպորտային միջոցների և զինտեխնիկայի շարասյուների անվտանգ տեղաշարժն ապահովելու նպատակով այս տարի անցկացվել են մինչև 9 կմ նոր մատակարարման ուղիներ, բարեկարգվել և վերականգնվել են շուրջ 38 կմ ճանապարհ:
 
Հիմնական ջանքերն ուղղված են ազատագրված տարածքներում բնակավայրերի, գյուղատնտեսական նշանակության հողերի, ճանապարհների և ենթակառուցվածքների ականազերծմանը։