Ադրբեջանը վճռականորեն կհակազդի իր ինքնիշխանությանը վնասելու ցանկացած փորձի. ԱԳՆ

«Ադրբեջանը վճռականորեն կհակազդի իր ինքնիշխանությանը վնասելու ցանկացած փորձի»

Ինչպես հայտնում է Caliber.Az-ը, այս մասին X-ի իր էջում գրել է Ադրբեջանի ԱԳՆ մամուլի քարտուղար Այխան Հաջիզադեն՝ Գերմանիայի ԱԳՆ մամուլի ծառայության հայտարարությանն ի պատասխան։

Հաջիզադեն նաև դեմ է արտահայտվել, որ Գերմանիայի ԱԳՆ-ն Ադրբեջանի Ղարաբաղի շրջանն անվանել է «Լեռնային». «Հայաստանը 30 տարի շարունակ օկուպացիոն քաղաքականություն է վարել՝ տարածաշրջանը վերածելով «գորշ գոտու»։ Ադրբեջանը վճռական է և ընդունակ պաշտպանել և վերաինտեգրել իր հայ բնակիչներին։ ՄԱԿ-ի համապատասխան կառույցներն արդեն հրավիրվել են Ղարաբաղ՝ ծանոթանալու մարդասիրական գործունեության և զինաթափման գործընթացին»։