ՀԱՊԿ. Դաղստանում ահաբեկչական ակտերը կարող են ապակայունացնել իրավիճակը տարածաշրջանում

«Դաղստանում ահաբեկչական ակտերը կարող են ապակայունացնել իրավիճակը տարածաշրջանում».

Այս մասին ՏԱՍՍ-ին տված հարցազրույցում հայտարարել է՝ Հավաքական անվտանգության պայմանագրի կազմակերպության (ՀԱՊԿ) գլխավոր քարտուղար Իմանգալի Տասմագամբետովը։

Նրա խոսքով, ՀԱՊԿ քարտուղարությունը խոր ցավի զգացումով է ընդունել՝ Մախաչկալայի եւ Դերբենդի ողբերգական իրադարձությունների մասին լուրը։

«Դաշնակիցները մի կողմ չեն կանգնի, եթե Ռուսաստանը օգնություն խնդրի Դաղստանում տեղի ունեցած ահաբեկչական ակտերից հետո։ Նման իրադարձությունները կարող են էապես ապակայունացնել իրավիճակը տարածաշրջանային մակարդակում՝ հատկապես հաշվի առնելով նման ծայրահեղական և ահաբեկչական խմբավորումների կազմակերպման ցանցային բնույթը», - նշել է նա։