Ադրբեջանի ՊՍԾ կուրսանտները Հայաստանի հետ սահմանին ԼՈՒՍԱՆԿԱՐ

2023-2024 ուսումնական տարում ուսման մեջ և զինվորական կարգապահության բարձր ցուցանիշներով աչքի ընկած Պետական սահմանապահ ծառայության հատուկ դպրոցի կուրսանտների համար կազմակերպվել է էքսկուրսիա դեպի օկուպացիայից ազատագրված տարածքներ։

Ինչպես Caliber.Az-ին հայտնել են Պետական սահմանապահ ծառայությունից, նման միջոցառումների կազմակերպումը նպաստում է կուրսանտների աշխարհայացքի ձևավորմանը և տեխնոլոգիական նորարարությունները յուրացնելու կարողությունների մեծացմանը։

Էքսկուրսիայի ընթացքում կուրսանտները ծանոթացել են Պետական սահմանապահ ծառայության զինանոցում առկա զենքին և մարտական տեխնիկային, նրանց տեղեկացրել են զորամասերի մարտական գործունեության մասին, ցուցադրվել հրազենից կրակ վարելու և պայմանական հակառակորդի հենակետի ոչնչացման օրինակներ։

Այնուհետև կուրսանտներին պատմել են Ջաբրայիլի և Զանգիլանի շրջանների ազատագրման ժամանակ ադրբեջանցի սահմանապահների ցուցաբերած հերոսության մասին: Զանգիլանի շրջանի Աղալը գյուղում ստեղծված պայմաններին ծանոթանալուց հետո կուրսանտներն այցելել են պետական սահմանի «Լաչին» անցակետ: