Պետք է ստիպել Փարիզին ձեռքերը քաշել այն երկրներից ու ժողովուրդներից, որոնց ճնշում է. Ժան-Ժակոբ Բիսեպ

Ադրբեջանը սատարում է կանակների անկախության ձգտումը՝ բողոքելով ֆրանսիական նեոգաղութատիրության դեմ։

Ինչպես հաղորդում է Caliber.Az-ը, այս մասին հայտարարել է Գվադելուպայի ազատագրման շարժման գլխավոր քարտուղար Ժան-Ժակոբ Բիսեպը՝ ելույթ ունենալով Բաքվում ընթացող միջազգային կոնգրեսում։

Նա նշել է, որ Ադրբեջանը կանգնած է ժողովրդավարության կողքին և դեմ է Ֆրանսիայի կողմից փոքր ազգերի ճնշումներին։

«Ադրբեջանի միջազգային քաղաքականությունը արդարության կողմն է: Մենք մտադիր ենք պայքարել նեոգաղութատիրության դեմ միջազգային մակարդակով: Մեր նպատակները պարզ են՝ ստեղծել պայմաններ, որպեսզի միջազգային հանրությունը օգնի մեզ խնդրի լուծման, անարդարության և Ֆրանսիայի նեոգաղութային քաղաքականության նկատմամբ հաղթանակ տանելու գործում։ Պետք է մոբիլիզացնել աշխարհը և ստիպել Փարիզին ձեռքերը հետ քաշել այն երկրներից ու ժողովուրդներից, որոնց ճնշում է։ Մենք՝ Ֆրանսիայի կողմից ճնշված ժողովուրդներս, հավաքվել ենք Բաքվում՝ պայքարելու Ֆրանսիայի կողոպտչական քաղաքականության դեմ։ Այս koncrysi անցկացումը ուժեղ ուղերձ է ինչպես Ֆրանսիային, այնպես էլ միջազգային հանրությանը»,- ընդգծել է Բիսեպը։