Ադրբեջանցի պատգամավոր. Թյուրքական երկրները մեզ հետ են Ղարաբաղի վերականգնման գործընթացում

Բոլոր թյուրքական պետությունները, առանց բացառության, Ադրբեջանին բարոյական աջակցություն են ցուցաբերել Երկրորդ Ղարաբաղյան պատերազմի ժամանակ։

Այս մասին հայտարարել է Ադրբեջանի Միլլի Մեջլիսի պատգամավոր Էլդար Գուլիևը՝ Ֆիզուլի քաղաքում մզկիթի հիմնարկեքի կապակցությամբ կազմակերպված ճեպազրույցի ժամանակ, հաղորդում է Сaliber.Az-ը։

Նա նշել է, որ 30 տարվա օկուպացիայի ընթացքում Հայաստանը ամբողջությամբ ավերել է ադրբեջանական տարածքները։

«Մեր հողերի ազատագրումից հետո մենք սկսեցինք լայնածավալ վերականգնողական և շինարարական աշխատանքներ, և այս գործընթացում թյուրքական պետությունները կանգնած են մեր կողքին։ Մզկիթը, որի շինարարությունը ստանձնել է Թուրքմենստանը, հավանաբար կավարտվի և շահագործման կհանձնվի մոտ ապագայում։ Մենք բարձր ենք գնահատում այս ժեստը, քանի որ այն խորհրդանշում է մեր եղբայրությունն ու միասնությունը», - ընդգծել է պատգամավորը։