Ադրբեջանի խորհրդարանը հայտարարություն է ընդունել Հաղթանակի օրվա՝ նոյեմբերի 8-ի հինգերորդ տարելիցի կապակցությամբ

Միլլի Մեջլիսը հայտարարություն է ընդունել նոյեմբերի 8-ի՝ Հաղթանակի օրվա հինգերորդ տարելիցի կապակցությամբ։
 
Report-ի հաղորդմամբ, հայտարարության մեջ ասվում է.
 
«2025 թվականի նոյեմբերի 8-ին ադրբեջանական ժողովուրդը մեծ ազգային հպարտության զգացումով կնշի Հաղթանակի օրը, որը նշանավորում է՝ տարածքային ամբողջականության և պետական ​​ինքնիշխանության վերականգնման երկարատև պայքարի վճռական փուլի ավարտը։
 
2020 թվականի սեպտեմբեր-նոյեմբեր ամիսներին 44-օրյա Հայրենական պատերազմում ձեռք բերված հաղթանակը՝ մեր ազգային պատմության ամենապատվավոր և  ճակատագրական իրադարձություններից մեկն է:
 
Օկուպացված տարածքներում անօրինական բնակեցման քաղաքականության ընդլայնումը, բանակցությունների ձևաչափը փոխելու փորձերը, հայ բարձրաստիճան պաշտոնյաների հայտարարությունները «նոր տարածքների համար նոր պատերազմի» մասին և այլ հայտարարություններն ու գործողությունները բացահայտեցին օկուպանտ պետության իրական մտադրությունները:
 
Ադրբեջանի Հանրապետության Միլլի Մեջլիսը, նշելով Երկրորդ Ղարաբաղյան պատերազմում տարած հաղթանակի պատմական նշանակությունը, վերահաստատում է իր հանձնառությունը՝ մեր պետության անկախության, տարածքային ամբողջականության և ինքնիշխանության ամրապնդմանը: Միլլի Մեջլիսը, հայտարարելով իր աջակցության մասին Ադրբեջանի Հանրապետության նախագահի ջանքերին՝ ուղղված  տարածաշրջանում խաղաղության և համագործակցության մթնոլորտ ստեղծելուն, կոչ է անում մեր ժողովրդին՝ ավելի սերտորեն համախմբվել իր առաջնորդի շուրջ: