Աղդամում շարունակվում է երկաթուղային և ավտոկայանային համալիրի շինարարությունը

Աղդամում շարունակվում է երկաթուղային և ավտոկայանային համալիրի շինարարությունը։

Ինչպես հայտնում է Caliber.Az-ը, եռահարկ համալիրում կլինեն սպասասրահներ, տոմսի վաճառքի կետ, դիսպետչերային կետ, բուժկետ, ոստիկանության սենյակ, մոր և երեխայի սենյակ, ինչպես նաև խանութներ, մանկական ժամանցի գոտի, ռեստորան և այլ օբյեկտներ։

Համալիրի տարածքում կգործի վերգետնյա ավտոկայանատեղի, ներքաղաքային, միջշրջանային և միջքաղաքային երթուղիների ավտոբուսային կանգառներ, անցակետ, հեծանիվների կայանատեղի, էլեկտրական մեքենաների լիցքավորման կետ:

Երկաթուղային և ավտոկայանային համալիրի շինարարությունը նախատեսվում է ավարտել այս տարի։

Երկաթուղային կայարանը օրական կսպասարկի 800-1000 ուղևորի, ավտոկայանի օրական թողունակությունը կկազմի 1300-1500 ուղևոր։