Ալիևը ժամանել է Ղրղզստան

Նոյեմբերի 5-ին Ադրբեջանի նախագահ Իլհամ Ալիևը ժամանել է Ղրղզստան՝ մասնակցելու Թյուրքական պետությունների կազմակերպության պետությունների ղեկավարների 11-րդ գագաթնաժողովին։

Ինչպես հայտնում է Caliber.Az-ը, այս մասին տեղեկությունը զետեղված է ԱՀ ղեկավարի պաշտոնական կայքում։

Բիշքեկի «Մանաս» միջազգային օդանավակայանում պետության ղեկավարի պատվին պատվո պահակախումբ է շարվել։ Իլհամ Ալիևին դիմավորել են Ղրղզստանի Նախարարների կաբինետի նախագահ, նախագահի աշխատակազմի ղեկավար Աքըլբեկ Ժապարովը և այլ պաշտոնատար անձինք։