Ադրբեջանում խստացվել է վարելահողերի հրկիզման համար նախատեսված պատիժը

Ադրբեջանի նախագահ Իլհամ Ալիևը հաստատել է Վարչական իրավախախտումների մասին օրենսգրքում կատարված փոփոխությունները։

Ինչպես տեղեկացնում է Caliber.Az-ը՝ հղում անելով պետության ղեկավարի պաշտոնական կայքին, փոփոխությունների համաձայն՝ վարելահողերը հրկիզելու համար ֆիզիկական անձիք կտուգանվեն 400-ից 600 մանաթով, իսկ պաշտոնյաները՝ 1500-ից 2000 մանաթով։ Հաշվի առնելով դեպքի հանգամանքները և իրավախախտի անձը՝ կարող է կիրառվել նաև մինչև մեկ ամիս ժամկետով վարչական կալանք։ Այս խախտման համար իրավաբանական անձինք կտուգանվեն 5000-ից 6000 մանաթով։