Ալիևը՝ ադրբեջանա-հայկական և թուրք-հայկական մերձեցման գործընթացների զուգահեռության մասին

Եթե մենք չկարողանանք հասնել այն ամենին, ինչ ուզում ենք տարածաշրջանում, ապա չենք կարող ձգտել որևէ գլոբալ իրադարձության: Այսօր ադրբեջանա-հայկական և թուրք-հայկական մերձեցման գործընթացները զուգահեռ են ընթանում։

AZERTAC-ի փոխանցմամբ՝ այս մասին հայտարարել է նախագահ Իլհամ Ալիևը Դավոսում ելույթ ունենալով «Եվրասիայի տնտեսական ինքնության սահմանումը» թեմայով պանելային նիստում։

«Անշուշտ, այս գործընթացները կավարտվեն Թուրքիայի և Հայաստանի, ինչպես նաև Ադրբեջանի և Հայաստանի միջև դիվանագիտական հարաբերությունների միաժամանակյա հաստատմամբ», - հավելել է պետության ղեկավարը։