Ալիևը հաստատել է «Պետական ծառայության մասին» օրենքում կատարված փոփոխությունները

Ադրբեջանի նախագահ Իլհամ Ալիևը հաստատել է «Պետական ծառայության մասին» օրենքում կատարված փոփոխությունները։

Caliber.Az-ի փոխանցմամբ՝ այս մասին տեղեկատվությունը զետեղված է պետության ղեկավարի պաշտոնական կայքում։

Ըստ փոփոխությունների՝ կենսաթոշակային տարիքի կամ պետական ծառայության առավելագույն տարիքի հասնելու պատճառով աշխատանքից ազատման դեպքում պետական ծառայողը կստանա միանվագ վճար, որը հավասար կլինի իր միջին ամսական աշխատավարձի վեցապատիկին: Միջին ամսական աշխատավարձը հաշվարկվելու է պետական ծառայության վերջին 24 ամիսների կամ ցանկացած հաջորդական 60 ամիսների (ըստ իր հայեցողության) աշխատավարձերի հիման վրա։ Այս գումարից չի գանձվի հարկ, պարտադիր պետական սոցիալական ապահովագրության վճար կամ այլ պարտադիր վճարումներ։