Բաքուն և Սեուլը քննարկել են համատեղ հանձնաժողովի նիստի նախապատրաստական աշխատանքները

Ադրբեջանը և Հարավային Կորեան Տնտեսական համագործակցության համատեղ հանձնաժողովի հերթական նիստը կանցկացնեն Բաքվում։

Ինչպես հաղորդում է Report-ը, այս մասին X սոցիալական ցանցում գրել է Ադրբեջանի թվային զարգացման և տրանսպորտի նախարար Ռաշադ Նաբիևը։

Նրա խոսքով՝ այս հարցը քննարկվել է Ադրբեջանում Հարավային Կորեայի դեսպան Կանգ Կիմգուի հետ իր հանդիպման ժամանակ։

Կողմերը մտքեր են փոխանակել արհեստական բանականության, կիբերանվտանգության և թվայնացման ոլորտում համագործակցության ընդլայնման, ինչպես նաև երկու երկրների միջև ուղիղ չվերթների կազմակերպման և կորեական ընկերությունների Ադրբեջանում նախագծերին մասնակցելու հնարավորության վերաբերյալ։