Euronews-ը՝ Ադրբեջանում ականային սպառնալիքի մասին. Դա համաշխարհային մեծ խնդիր է ՏԵՍԱՆՅՈՒԹ

Euronews հեռուստաալիքի կայքը՝ Ադրբեջանում և այլ երկրներում ականային վտանգին նվիրված սյուժե է պատրաստել:

«Ականները համաշխարհային մեծ խնդիր են»,- ասել է Ադրբեջանի Հանրապետության ականազերծման գործակալության (ANAMA) խորհրդի նախագահ Վուգար Սուլեյմանովը։

Բաքվի Օլիմպիական մարզադաշտում ականային վտանգի և ականազերծման գործողություններին աջակցության միջազգային օրը նշվել է՝ անդամահատվածների միջև բարեգործական ֆուտբոլային խաղով։ Խաղացողների մեծ մասը վնասվածքներ է ստացել ականների պատճառով։

«Այսօր մենք դուրս ենք եկել դաշտ՝ ականներին ոչ ասելու, մարդկանց զգուշացնելու, որ իրենց անվտանգության համար չմտնեն արգելված տարածքներ և ընդգծել, որ ականները պետք է վնասազերծվեն»,- ասել է անդամահատված ֆուտբոլիստ Սանան Հաջիևը։ «Ես կոչ եմ անում բոլորին մնալ անվտանգության մեջ»:

Թեև Աֆրիկան մայրցամաքն է ամենաշատը տուժել ականներից, Եվրոպան նույնպես ենթարկվել է լուրջ ազդեցության: Ըստ գնահատումների՝ ականապատված է Ադրբեջանի, Բոսնիա և Հերցեգովինայի և Ուկրաինայի տարածքի մեկ երրորդը։

Բարեգործական կազմակերպությունները ավելի ակտիվ գործողությունների կոչ են արել՝ համաշխարհային մակարդակով:

«Ականները համաշխարհային մեծ խնդիր են»,- ասել է Ադրբեջանի ականազերծման գործակալության խորհրդի նախագահ Վուգար Սուլեյմանովը։ «Միջազգային հանրությունը, իհարկե, պետք է ուշադրություն դարձնի այս խնդրին, և մենք պետք է պայքարենք դրա դեմ»: