Կրաուսը շնորհակալություն է հայտնել Բաքվին Թուրքիայի և Սիրիայի հետ բանակցություններում միջնորդության համար

«Սա լավ հնարավորություն է շնորհակալություն հայտնելու Ադրբեջանին կողմերի միջև համաձայնության հասնելու ջանքերի համար: Այս ջանքերը բավականին հաջող էին և բարձր գնահատվեցին Իսրայելի կողմից: Մենք կարծում ենք, որ նման նախաձեռնությունները կշարունակվեն նաև ապագայում», - APA գործակալությանը տված հարցազրույցում ասել է Ադրբեջանում Իսրայելի Պետության նոր արտակարգ և լիազոր դեսպան Ռոնեն Կրաուսը՝ մեկնաբանելով Ադրբեջանի միջնորդական դերը Թուրքիայի և Սիրիայի հետ բանակցություններում:

«Հուսով եմ, որ ապագայում Իսրայելի հարաբերությունները Սիրիայի և Թուրքիայի հետ կհասնեն լավագույն մակարդակի։ Սիրիայի հետ բանակցություններ են ընթանում անվտանգության վերաբերյալ համաձայնագրի շուրջ։ Ադրբեջանում մարդիկ հասկանում և հարգում են կայունության և անվտանգության էությունը։ Նույնը վերաբերում է նաև Իսրայելին։ Մենք հուսով ենք, որ ապագայում կկարողանանք ընդլայնել մեր շուրջ կայունության շրջանակը։ Մենք խաղաղության համաձայնագրեր ունենք Եգիպտոսի և Հորդանանի հետ։ Մենք նաև հասել ենք «Աբրահամյան համաձայնագրերին»։ Հիմա բանակցություններ են ընթանում Սիրիայի հետ, և մենք հույս ունենք առաջընթացի հասնել նաև Լիբանանի հետ։ «Հեզբոլլահի» նման վնասակար կազմակերպության վերացումը դրական նշան կլինի։ Հուսով ենք, որ Իսրայելի անվտանգությունը ապագայում կբարելավվի», - ընդգծել է դեսպանը։