ՄՄ պատգամավոր. Ադրբեջանը բավարար աջակցություն չի ստանում Ղարաբաղի ականազերծման հարցում

Ադրբեջանն ականներից ամենաշատ տուժած երկրների թվում է։

Ինչպես հաղորդում է Caliber.Az-ը, այս մասին ասել է Միլլի Մեջլիսի բնական ռեսուրսների, էներգետիկայի և բնապահպանության հանձնաժողովի նախագահ Սադիգ Գուրբանովը՝ «Կլիմայական արդարություն՝ հիմնված մարդու իրավունքների վրա. մարդու իրավունքների ազգային ինստիտուտների դերը COP29-ի շրջանակներում» թեմայով բանավեճում:

Նրա խոսքով, Ադրբեջանի առջև խնդիր է դրված վնասազերծել Հայաստանի կողմից Ղարաբաղում տեղադրված շուրջ 1,5 միլիոն ականները։

«Ադրբեջանը բավարար աջակցություն չի ստանում այս խնդրի առնչությամբ և սեփական ուժերով իրականացնում է լայնածավալ ականազերծման աշխատանքներ։ Մեր երկիրը յուրահատուկ գիտելիքներ և փորձ է ձեռք բերել և պատրաստ է կիսվել դրանցով այլ երկրների հետ»,- ասել է Գուրբանովը։