«Մենք թաքցնելու ոչինչ չունենք» ՌՈՒՍԱՍՏԱՆՈՒՄ ՂԱԶԱԽՍՏԱՆԻ ԴԵՍՊԱՆԸ՝ ԱՎԻԱՎԹԱՐԻ ՀԵՏԱՔՆՆՈՒԹՅԱՆ ՄԱՍԻՆ:

Ղազախստանը հանդես է գալիս՝ Ակտաուում տեղի ունեցած ավիավթարի օբյեկտիվ և թափանցիկ հետաքննության օգտին:

Ինչպես հաղորդում է Report-ը, այս մասին ՌԻԱ Նովոստիին հայտարարել է՝ ՌԴ-ում Ղազախստանի դեսպան Դաուրեն Աբաևը։
 
«Մենք թաքցնելու ոչինչ չունենք: Մենք կողմ ենք օբյեկտիվ և թափանցիկ  հետաքննությանը»,- ասել է նա։
 
Աբաևը նշել է, որ հետաքննությունն ընթանում է Քաղաքացիական ավիացիայի միջազգային կազմակերպության (ICAO) բոլոր չափանիշներին համապատասխան, և Ադրբեջանը, Ռուսաստանն ու Բրազիլիան նշանակել են հետաքննությանը մասնակցելու համար լիազորված ներկայացուցիչներ։
 
«Ղազախստանի տրանսպորտի նախարարության հրապարակած զեկույցը նախնական բնույթ է կրում։ Վերջնական զեկույցը, ըստ գերատեսչության, կարող է հրապարակվել մինչև 2025 թվականի դեկտեմբեր: Այս ժամանակահատվածը համահունչ է ICAO-ի պահանջներին, ստանդարտներին և առաջարկվող պրակտիկային: Ի դեպ, ICAO-ն բարձր է գնահատել նախնական զեկույցի մակարդակն ու որակը՝ նշելով փաստերի հստակ ներկայացումը, մանրամասնությունն ու տեղեկատվության ամբողջականությունը»,- ասել է դեսպանը։