Ադրբեջանում Իրանի դեսպանատան գործերի ժամանակավոր հավատարմատարը կանչվել է Ադրբեջանի ԱԳՆ Նրան բողոք է հայտնվել

Հունվարի 25-ին՝ Ադրբեջանում Իրանի դեսպանատան գործերի ժամանակավոր հավատարմատար Սեյյեդ Ջաֆար Աղայի Մարիանը կանչվել է Արտաքին գործերի նախարարություն:
 
Ինչպես Caliber.Az-ին հայտնել են արտաքին գործերի նախարարությունից, նրան բողոք է հայտնվել՝ կառավարական շրջանակներին մոտ կանգնած իրանական լրատվամիջոցներում վերջերս անցկացված արշավի կապակցությամբ, որն ուղղված էր Ադրբեջանի և երկրի ղեկավարության դեմ։

«Մասնավորապես նշվել է, որ երկար ընդմիջումից հետո Թեհրանում կայացած Ադրբեջանի և Իրանի միջև առևտրատնտեսական և հումանիտար ոլորտներում համագործակցության պետական ​​հանձնաժողովի 16-րդ նիստից և արդյունավետ պաշտոնական հանդիպումներից հետո՝ Իրանում Ադրբեջանի դեսպանը հրավիրվել է Արտաքին գործերի նախարարություն, որտեղ նրան բողոք է հայտնվել։ Միաժամանակ իրանական լրատվամիջոցներում հակաադրբեջանական արշավ է քարոզվում։
 
Նշվել է, որ Արդաբիլում կայացած հանդիպման ժամանակ Ադրբեջանի դեմ արված վիրավորական հայտարարությունների համար՝ Ջումայի իմամ Սեյիդ Հասան Ամելիի ներողություն խնդրելու փոխարեն, Իրանում սկսվել է Ամելիի աջակցության արշավ, և մի շարք կրոնական գործիչներ, այդ թվում՝ Ղազվինի ջումայի  իմամը մասնակցում են  հակաադրբեջանական քարոզրշավին.
 
Ընդգծվել է, որ նման քայլերը վնասում են երկու երկրների հարաբերություններին։ Սեյյիդ Ջաֆար Աղայի Մարիանն ափսոսանք է հայտնել որոշ տհաճ հայտարարությունների և գործողությունների համար և խոստացել է այդ հարցը հասցնել իր երկրի իրավասու մարմինների ուշադրությանը»,- հայտնել են ԱԳՆ-ից։